راہ داریاں گھر کے اندونی حصوں کو آپس میں ملانے کے لیے اہم ہوتی ہیں۔ مگر گھر ڈیزائن یا اس کی تجدید کرتے وقت انہیں اکثر نظر انداز کر دیا جاتا ہے۔ ایک خوبصورتی سے ڈیزائن کردہ راہ داری نہ صرف گھر کی جمالیات بڑھاتی ہے بلکہ ایک فعال عنصر مہیا کرتی ہے تا کہ گھر کے ہر کونے کو استعمال میں لایا جا سکے۔
آپ کی مدد کے لیے ہومی فائی نے ۲۵ جدید راہ داریوں کی تصویریں اکٹھی کی ہیں جن میں خوبصورتی، تخلیق اور عملی ڈیرائن پایا جاتا ہے جو آپ کی راہداری میں ایک تازہ دم کے دینے والی تبدیلی لے آئے گا۔
یہ راہ داری دکھاتی ہے کہ آپ خوبصورتی پر سمجھوتہ کیے بغیر ہال کو گھر کے باقی کمروں سے کیسے جوڑ سکتے ہیں۔ لکڑی کا فرش باقی کمروں میں ایک گرم احساس لے جاتا ہے جبکہ چھت پر لگی روشنیاں جگہ کو روشن کرتی ہیں۔ شیلف کتابیں اور دوسرے لوازمات دکھانے اور جگہ میں خوبصورتی کے اضافے کا ذریعہ ہیں۔
راہ داری میں دیواروں کی جگہ ضائع کرنے کے بجائے، ان میں طاق بنا کر سامان اور آرائشی اشیا رکھنے کے لیے جگہ بنائی جا سکتی ہے۔
اپنی راہداری پر اپنی تخلیقی صلاحیتوں کو آزمائیں۔ اس ڈیزائن میں دیوار کے گرد شیلف بنے ہیں جو راہداری اور لاؤنج کو جوڑتی ہے۔
یہ ڈیزائن سادہ گھر کے لیے بہترین ہے۔ سفید دیواروں میں سامان رکھنے کے لیے الماریاں ہیں اور آرائشی اشیا رکھنے کے لیے درمیان میں ایک طاق بنا ہے۔
راہ داری کی پوری دیوار کو شیلف سے بھر دینے سے آپ اپنی کتابیں دکھانے کے لیے جگہ بنا سکتے ہیں۔
راہداری کی دیوار پر شیلف بنانے کے علاوہ آپ اس کے نیچے الماریاں بھی لگا سکتے ہیں، جنہیں آپ کی ضرورت کے مطابق جوتے، کپڑے، برتن وغیرہ رکھنے کے لیے استعمال کیا جا سکتا ہے۔
ایک نئی راہداری تنگ معلوم ہوتی ہے۔ مگر آپ کسی شوخ عنصر کی مدد سے اس سے توجہ ہٹا سکتے ہیں، جیسا کہ اس تصویر میں ایک مختلف رنگ کی دیوار سے کیا گیا ہے۔
توجہ ہٹانے کے لیے ایک اور تجویز راہداری کو روشن کرنے کے لیے ایک روشنیوں والی نقلی چھت لگانا ہے۔
ایک بیزار کن راہداری کو دیوار پر چند تصاویر لگا کر اور آرائشی سامان کے لیے ایک روشن طاق بنا کر حسین بنایا جا سکتا ہے۔
راہداری میں پتھروں کی دیوار، قدرتی لکڑی کی چھت اور لکڑی کے فرش کا استعمال اسے دیہی انداز کا بنا دیتا ہے۔ جو جدید انداز کے ساتھ بھلا معلوم ہوتا ہے۔
یک رنگی تھیم کسی بھی جگہ کو نفیس بناتے ہیں۔ اس راہداری کی ایک دیوار پر سیاہ و سفید فن پارے لگے ہیں جبکہ دوسری میں مختلف سائز کے طاق بنے ہیں۔ جگہ کو گہرا اور ڈرامائی انداز دینے کے لیے طاقوں کے اندر سیاہ رنگ کیا گیا ہے۔
ایک دیوار پر سامان رکھنے کی الماریوں اور دوسری پر کھلے شیلف کے ساتھ یہ راہ داری مکمل ہے۔ ہلکی لکڑی سے بنا فرش گرمی کی جھلک لاتا ہے جو اس جگہ کو بےترتیب کے بجائے آرام دہ بناتا ہے۔
اس راہداری کی چھت داخلے پر اونچی ہے مگر کمرے تک لے جاتے راستے میں نیچی ہو جاتی ہے۔ داخلے پر اور اختتامی دیوار پر لگی ایک جیسی تصویریں ان جگہوں کو خوبصورتی سے جوڑ دیتی ہیں۔
راہداری کے اختتام پر سادہ سفید دیوار کے بجائے ایک بڑی سی رنگین پینٹنگ یا وال پیپر لگانے سے یہ بیزار کن سے حسین میں تبدیل ہو جائے گا۔
بہت سی راہ داریوں کو باقی سجاوٹ جیسا بنانے کے لیے ان پر سفید رنگ کیا جاتا ہے مگر اس کی وجہ سے وہ بہت سادہ لگتی ہیں۔ ایک شوخ فن پارہ آپ کو سفید رنگ کی بوریت سے بچاتا ہے۔
اس راہ داری کا فرش خوبصورت ڈیوائن والی ٹائلوں سے بنا ہے۔ اس کے علاوہ اس میں رنگین طاق بھی موجود ہیں۔
دیوار پر لگے پتھر، لکڑی کا فرش اور کچھ گملے اس راہ داری میں قدرت کو متعارف کرواتے ہوئے اسے تازگی کا احساس دیتے ہیں۔
ہر راہ داری کو نمایاں ہونے کے لیے کسی شوخ چیز کی ضرورت نہیں ہوتی۔ ایسا گھر جس میں قدرتی روشنی کی فراوانی ہو، اس کی راہ داریوں میں لکڑی کے تختوں کی گرمی اور چھت پر لگی روشنیاں کافی ہوتی ہیں۔
ایک سفید دیواروں والے جدید گھر میں بےترتیب ڈیزائن کا فرش اچھا لگتا ہے، اس کے علاوہ کچھ احتیاط سے چنی گئی آرائشی اشیا جیسا کہ گلدان اور ایک نرم قالین راہداری کو خوبصورت بناتی ہیں۔
راہداری کی جگہ ضائع کرنے کے بجائے ایک ایسا ڈیزائن بنائیں جس میں کتابیں رکھنے کے لیے شیلف ہوں اور آرام سے بیٹھ کر پڑھنے کی جگہ ہو۔
سادہ ڈیزائن کو خوبصورت بنانے کا ایک اور طریقہ درمیانی رنگوں جیسا کہ سفید، بھورے اور سرمئی کا استعمال ہے۔ یہاں دلچسپ شکلوں کا استعمال کیا گیا ہے جیسا کے پچھلی دیوار پر لگے مستطیل فریم، کونے میں رکھی گول میز اور ایک ہموار، مستطیل داخلی میز۔ فرش کا ڈیزائن بھی دلکش ہے۔
اختتام پر شیشے کے دروازے سے نظر آتے سبزے اور منفرد زاویاتی انداز کی ٹائلوں کی وجہ سے یہ راہ داری اچھی لگتی ہے۔
رنگوں سے کھیل کر راہ داری کو دلچسپ بنایا جا سکتا ہےجیسا کہ یہاں موجود سیاہ و سفید عناصر کا امتزاج۔
یہ راہداری دیوار پر لگی تصویروں پر موجود خوبصورت روشنیوں اور پردوں سے چھن کر آتی روشنی کے ساتھ جادوئی نظر آتی ہے۔
ظاہر ہے آپ کسی فعال شے کو بھی توجہ کا مرکز بنا سکتے ہیں۔ اس سفید راہ داری کے اختتام میں ایک جدید آتشدان ہے جو کتھئی دیوار کے ساتھ حسین نظر آتا ہے۔
یہاں مزید تجاویز دیکھیے: موسم بہار کے لیے صفائی کی گائیڈ۔