آپ کی اندرونی دیواروں کے لیے دلکش رنگ

Hamna – Homify Hamna – Homify
Wohnwelt Vintage, makasa makasa Salas / recibidores
Loading admin actions …

جب بات آۓ اندرونی دیواروں کی سجاوٹ کی اور ایسے انداز سے سجاوٹ کی جو آپ کی شخصیت کی آئینہ دار ہوں تو اس میں سب سے اہم جزو ہے دیوار کے رنگ کا چناؤ۔ اندرونی آرائش کا ہر ماہر آپ کو یہی بتاۓ گا کہ دیوار کے لیے رنگوں کا انتخاب نہ صرف آپ کے مزاج پر اثر انداز ہو گا بلکہ آپ کو فرنیچر بھی انھیں رنگوں کے مطابق لینا ہو گا۔ اس لیے درست رنگوں کا انتخاب نہایت ضروری ہے۔

آج ہم نے ماہرین کی طرف سے منظور شدہ چند خوبصورت رنگوں کو آپ کے سامنے لانے کا فیصلہ کیا ہے تاکہ آپ کو انتخاب میں آسانی ہو۔ یاد رکھیں کہ ایک دفعہ رنگ ہو جانے کے بعد اس کو تبدیل کرنا کافی مشکل ثابت ہو سکتا ہے اس لیے پہلے ہی اس بات کی یقین دہانی کر لیں کے آپ اپنے انتخاب سے پوری طرح مطمئن ہیں

1- جیڈ سبز

Wohnwelt Vintage, makasa makasa Salas / recibidores

کہا جاتا ہے کہ جیڈ سبز رنگ سب سے زیادہ مثبت رنگ ہے جو کہ پورے گھر میں مثبت توانائی لا سکتا ہے اور دکھنے میں بھی یہ نہایت حسین لگتا ہے۔ ایک بڑے دیوان خانے میں یہ رنگ بہت ہی دلکش لگے گا مگر ایک چھوٹے سے غسل خانے میں بالکل بھی نہیں۔ رنگوں کے چناؤ کے وقت اپنے کمرے کے رقبے کو لازمی ذہن میں رکھیں کیوں کہ چھوٹے جگہوں میں دھیمے رنگ ہی اچھے لگتے ہیں۔

2- ہلکا سرمئی

Visualisierungen, makasa makasa

2017 کا سب سے مشہور رنگ ہلکا سرمئی ثابت ہوا ہے۔ یہ پورے گھر میں ایک پرسکون اور آرام دہ فضا پھیلاتا ہے۔ اس کے علاوہ یہ قدرتی اشیاء سے بنے فرنیچر کے ساتھ بہت بہترین لگتا ہے۔

3- ہلکا سبز

Visualisierungen, makasa makasa

ٹھنڈا، پرسکون اور نفیس! یہ رنگ آج کل بہت پسند کیا جا رہا ہے اور اس میں ناپسند کرنے والی کون سی بات ہے۔ یہ ایک بہار کا سا انداز دیتا ہے اور آپ کے کمرے میں جان ڈال دے گا۔ یہ رنگ سفید کے ساتھ بھی بہت اچھا لگے گا۔

4- دھوپ کی طرح زرد

Kinderwelten, makasa makasa Dormitorios infantiles

واہکیا رنگ ہے یہ! سوچیں جب آپ صبح اپنے کمرے میں بیدار ہوں اور کھڑکی سے چھن کر آنے والی دھوپ آپ کی دیواروں کو مزید روشن کر رہی ہوں تو یہ تاثر کس قدر خوشگوار ہو گا۔ آیندہ آپ کبھی بھی برے موڈ کے ساتھ صبح نہیں جاگیں گے۔

5- روشن سفید

Wohnwelt Modern, makasa makasa Salas modernas

ہم شرطیہ کہ سکتے ہیں کہ آپ سوچ رہے ہوں گے کہ ہم سفید رنگ کی بات نہیں کریں گے کیوں کہ یہ ایک غیر دلچسپ رنگ مانا جاتا ہے۔۔۔۔ ایک بار پھر غور کریں کیوں کہ یہ رنگ کسی بھی گھر کا اثاثہ ہوتا ہے۔ اس کے ساتھ آپ ہر طرح کی آرائشی اشیاء استعمال کر سکتے ہیں اور اپنے اعلا ذوق کا بھی اعلان کر سکتے ہیں۔

6- دھیما کریم رنگ

Wohnwelt Classic, makasa makasa Salas / recibidores

اگر آپ کو سفید رنگ کا خیال اچھا لگا ہے مگر یہ آپ کے لیے بہت سادہ ہے تو پھر آپ کریم رنگ یہ پھر ہلکے کافی رنگ کا انتخاب کیوں نہیں کر سکتے۔ اس سے آپ کا کمرہ ایک گرم جوش اور  دوستانہ تاثر دے گا۔

7- سیاہ

Wohnwelt Classic, makasa makasa Salas / recibidores

اگر آپ کو اندرونی آرائش میں گہرے رنگ پسند ہیں تو گہرے سیاہ رنگ پر ضرور غور کریں چاہے یہ رنگ دھاریوں کی شکل میں ہی کیوں نہ موجود ہو۔ اس طرح کے رنگ سب کو آپ کی پر اعتماد شخصیت کے بارے میں بتائیں گے۔ اس کو متوازن رکھنے کے لیے آپ اس کے ساتھ سفید کا استعمال کر سکتے ہیں۔

8- آسمانی

Kinderwelten, makasa makasa Dormitorios infantiles

بےشک ہے یہ ایک روایتی بات، لیکن بچے کے کمرے کے لیے آسمانی رنگ بہترین ہے چاہے یہ لڑکے کا کمرہ ہو یا لڑکی کا۔ اس کے علاوہ بھی یہ رنگ ہر کمرے میں اچھا لگتا ہے اور لکڑی کے فرش کے ساتھ ہو تو کیا ہی کہنے ہیں۔

 دیوار کے رنگوں کی مختلف اقسامبھی ضرور دیکھیں

¿Necesitas ayuda con tu proyecto?
¡Contáctanos!

Destacados de nuestra revista