جب ہم اپنے گھر کو بہترین انداز مین ڈیزائن کرنے کے بارے میں سوچتے ہیں تو ہمارا خیال ھومی فائی کی طرف چلا جاتا ھے جہاں پر ہر قسم اور ہمارے خیالات کے عین مطابق بہت سے مضمون ہماری رہنمائی کے لئے دستیاب ھوتے ہیں،آج کے ھومی فائی کے اس مضمون میں ہم دنیا کے بہترین اور حیرت انگیز گھروں کے دلکش ڈیزائنوں کے بارے مین دریافت کریں گے۔خاندانی گھروں کی اندرونی سجاوٹ کے لئے دنیا کے چند بہترین اور مایہ ناز سٹائل کو دیکھیں گے یہ سٹائل نہ صرف جدید بھی ہیں بلکہ ہر ڈیزائن دوسرے ڈیزائن سے مختلف اور منفرد بھی ھے۔ تو آئیے بغیر کسی توقف کے ان حیرت انگیز ڈیزائنوں پر ایک نظر ڈالتے ہیں۔
آپ کے خوابوں کے تعبیر جیسے گھر کے لئے لکڑی کے قدرتی رنگ کے ساتھ نیلے رنگ کی ڈھلوانی چھت کا مجموعہ ایک دلکش اور خوبصورت ڈیزائن کو تخلیق کرتا ھے۔ یہ بلاشبہ ایک حیرت انگیز رنگوں کا مجموعہ ھے مگر یہ اس وقت اور بھی دلفریب ھو جاتا ھے جب یہ گھر سرسبز درختوں اور ہری بھی گھاس میں گھرا ھوا ھو۔ اپنی ڈھلوانی چھتوں اور مختلف بلندیوں کی وجہ سے اس کا ہر ایک کمرہ ایک خاص جاذبیت رکھتا ھے جو دیکھنے والوں پر ایک سحر طاری کر دیتا ھے۔
یہ ڈیزائن شاہکار فن تعمیر کا منہ بولتا ثبوت ھے جس میں سٖفید رنگ کی بل کھاتی چھتوں کوکمال مہارت سے تخلیق کیا گیا ھے۔ اس کو تخلیق کرنے کے لئے اعلیٰ مہارت اور عملی جامع منصوبہ بندی کی ضرورت ھوتی ھے۔ سفید رنگ کی لہراتی بالکونیوں کے ساتھ سرمئی رنگ کا فرش حقیقت میں ایک جادوئی منظر پیش کر رھا ھے۔ سفید رنگ کے اس جدید اور دلکش گھر میں ایک خاص نفاست جھلکتی ںظر آ رہی ھے۔ ایک خاص تاثر جو ڈیزائنر دیکھنے والوں پر ظاہر کرنا چاہ رھا ھے وہ اس گھر کے ڈیزائن میں جدت اور دلکشی ھے۔
اس ماڈل میں کھڑکی کی کمی کو دلچسپ انداز میں پورا کرنے کے لئے چھت کے اوپر کھلا صحن کے ساتھ شیشے کی مضبوط دیوار کا سہارا لیا گیا ھے۔ جب کہ باقی کا پورا گھر منفرد انداز میں اس طرح ڈیزائن کیا گیا ھے کہ اس کی پردہ داری مؤثر انداز میں قائم رھے۔ سیاہ شیشوں کا استعمال کر کے باہر سے اندر کی طرف رازداری کو بحال رکھا گیا ھے جب کہ اندر سے باہر کے ماحول سے آپ آسانی سے لطف اندوز ھو سکتے ہیں۔ یہ سفید رنگ کا کمال کا ڈیزائن ھے۔
اس گھر کا دخلی حصہ لکڑی، پتھر، اینٹ اور شیشے کے مجموعے کا ایک کمال کا شاہکار ھے۔ اس گھر کے اگواڑے کو لکڑی کے دلکش ڈیزائن سے مزین کیا گیا ھے جب کہ داخلی راستے پر سفید پتھروں کی سلیب سے ایک متاثر کُن راستہ تخلیق کیا گیا ھے۔ بالکونی کو صاف اور نفیس شیشوں سے کور کیا گیا ھے تا کہ گھر کے اندر کا باہر سے رابطہ برقراررھے۔یہاں پر بہت سے ایسے عناصر کا استعمال کیا گیا ھے جو کہ اس ڈیزائن کو طاقت بخش رھے ہیں۔
ایسے پتھر جن کا رنگ لکڑی کے رنگ سے مماثلت رکھتا ھو، ان کو گھر کے بیرونی حصے پر لگانے سے آپ کا گھر ایک دلکش اور منفرد سٹائل میں ڈھل جاتا ھے۔ حتیٰ کہ اگر اس کا رنگ بلکل لکڑی جیسا ھو تو اس پتھر اور لکڑی کے ڈیزائن میں فرق کرنا مشکل ھو جائے گا،اس کا فائیدہ یہ ھے کہ یہ ڈیزائن لگتا تو لکڑی جیسا دلکش ھے مگر اس کی مضبوطی پتھر جیسی ھوتی ھے۔ اس کے ساتھ اگر باقی حصے کو عام سفید رنگ سے روغن کر دیں گے تو گھر کا ہر حصہ دوسرے حصے سے الگ اور منفرد حیثیت اختیار کر جائے گا۔
خوبصورت روشنیوں نے اس گھر کو نہائت خوبصورت بنا دیا ھے جب کہ آسمان کی ہلکی نیلی روشنی اس کے جدید تالاب میں جھلکتی نظر آرھی ھے جو کہ ایک شاندار منظر پیش کر رھی ھے۔ تالاب کے ساتھ رکھی آرام دہ کُرسیاں یہاں کے آرام دہ اور پُرسکون ماحول کا نظارا پیش کتر رھی ہیں ۔صاف اور شفاف شیشوں کی دیواروں کی وجہ سے گھر کے اندر کا منظر واضح نظر آرھا ھے جو کہ جدید اور سٹائلش ڈیزائن کی نشانی ھے۔